Türkiyənin və dünyanın ən iri aviaşirkətlərindən biri olan "Turkish Airlines" iyulun 15-də ölkədə baş verən uğursuz dövlət çevrilişi cəhdindən sonra 211 əməkdaşını işdən çıxarıb.

Unikal.org Türkiyə KİV-inə istinadən xəbər verir ki, şirkətin onlardan bəzilərini Fətullahçı terror təşkilatına (FETÖ) üzv olmaqda şübhəli saydığından, bəzilərini isə fəaliyyətlərindəki nöqsanlar səbəbindən işdən azad etdiyi bildirilir.

Onların arasında baş direktorun müavini Coşkun Kılıç, "Anadolujet"n rəhbəri İbrahim Doğan, 3 sədr, 2 sədr müavini, 15 pilot və s. var.