Gün boyu gözəl və cəzbedici görünməyi hər kəs istəyər. Ancaq gözəlliklə bağlı çox şey tövsiyə edildiyindən "nəyi edək?" deyə qərarsız qalırıq. Bəs nə etməli? Unikal.org aile.lent.az-a istinadən bildirir ki, yatmadan əvvəl bunları etsəniz, gözəlliyinizi qoruyub saxlayarsınız.

Makiyajsız yatmaq önəmlidir

Makiyajlı yatmaq həqiqətən ciddi bir problemdir. Çox yorğun ola bilərsiniz, amma makiyajı təmizləməyi heç vaxt unutmayın. İnsanlar yatarkən dəri özünü bərpa etməyə başlayar. Əgər makiyajı təmizləmədən yatsanız, dərinizdə sızanaq və ləkələr yaranar.

Mütləq əl kremi istifadə edilməlidir

Gözəl əllər cazibədarlığı artıran ünsürdür. Gecələr yatağa girmədən əvvəl əllərinizi sabun və ilıq su ilə yaxşıca yuyub yumşaq bir dəsmalla qurulayın və krem çəkin. Əl kremi əllərdəki sərtliyi və quruluğu aradan qaldırır.

Tonik istifadəsi önəmlidir

Tonik istifadəsi dərinin PH balansını qorumaq üçün olduqca vacibdir. Bu baxımdan dəri mikroorqanizmlər və bakteriyalara qarşı daha mühafizəkar olur. İstifadə edəcəyiniz toniki kiçik bir pambıqla yatmadan öncə boynunuza və üzünüzə sürtün.

Göz kremi istifadə edin

Göz kremi istifadə etmək mütləqdir. Makiyajınızı sildikdən sonra göz kremi sürtməyi unutmayın. Bu, göz ətrafındakı incə xətləri və qırışları ortadan qaldırır.

Yatarkən saçları yığmağı unutmayın

Saçları yığaraq yatmaq hər xanım üçün yaxşıdır. Saçları topuz yığıb yatmaq səhər oyandığınızda saçların dağınıq olmasına imkan verməyəcək. Həm də saçlardakı yağ üzə toxunmayacağından sızanaq problemi də yaşanmaz.

İpək yastıq üzləri seçin

Yastıq üzləri belə, xanımın gözəlliyinə təsir edir. İpək yastıq üzləri üzdə iz buraxmaz. İpəkdə dəri üçün faydalı olan 18 ədəd təbii protein və aminqrupu turşular var.

Yatmadan əvvəl ayaqlara vazelin sürtün

Ayaqlar bədən üçün mühüm orqanlardan biridir. Yatmadan əvvəl mütləq yuyub yumşaq dəsmalla qurulayın və vazelin sürtün. Vazelin insan dərisini qurumaqdan xilas edir.

Dişləri hər gecə fırçalamalısınız

Əgər nəfəsinizdən pis qoxu gələrsə, gözəlliyiniz hədər olar. Axşam yeməyindən 30 dəqiqə sonra dişləri fırçalayın. Daha sonra ilıq su ilə durulayın. Dişləri fırçalamadan əvvəl diş ipi də istifadə edə bilərsiniz.

Yetərincə yatmağa çalışın

Yetərincə yatmasanız, səhər oyandığınızda gözaltı torbalar və qara halqalar sizi çirkin göstərər. Bunlar hırbir qadının gözəlliyinə təsir edən amillərdəndir. 7-8 saat yatmağa çalışın.