Tovuzda qadının üzərinə qaynar su dağılıb.
Unikal.org-un apa-ya istinadən verdiyi məlumata görə, hadisə rayonun Yuxarı Öysüzlü kəndində qeydə alınıb.
Kənd sakini, 1974-cü il təvəllüdlü Nəzakət Nəbiyeva yaşadığı evdə övladlarını çimizdirmək üçün sobanın üzərinə vedrədə su qoyub. İşıqlar sönən zaman qadın qaynar suyu götürmək istəyib. Bu zaman su onun üzərinə dağılıb. Bədənin 2-ci dərəcəli termiki yanığı və yanıq şoku diaqnozu qoyulan N. Nəbiyeva dərhal Tovuz rayon mərkəzi xəstəxanaya yerləşdirilib. Ona tibbi yardım göstərilib. Vəziyyəti ağır olduğu üçün Bakıda olan yanıq mərkəzinə aparılması planlaşdırılıb.
