"Əfv sərəncamı bir başa Prezidentin səlahiyyətində olan məsələdir."

Unikal.org-un məlumatına görə, bunu aznews.az-a açıqlamasında Əfv komissiyasının üzvü Əliməmməd Nuriyev bildirib. Onun sözlərinə görə, Əfv sərəncamının nə zaman imzalanmasını ancaq Prezident özü müəyyənləşdirir:

"2016-cı ilin əvvəlində Əfv sərəncamı və ortalarında isə amnistiya aktı imzalanıb. Ona görə güman etmirəm ki, Əfv sərəncamı olacaq."

Əliməmməd Nuriyev qeyd edib ki, Əfv Komissiyası daima işləyən bir qurumdur:

"Quruma hər gün müraciətlər daxil olur, araşdırılır və baxılması üçün aidiyyatı qurumlara göndərilir."