"Lesterin keçmiş baş məşqçisi Kaludio Ranyeri işdən azad edildikdən sonra ilk açıqlamasını verib.

Unikal.org-un məlumatına görə, italiyalı çalışdırıcı bu qərardan çox məyus olduğunu bildirib.

"Dünən mənim bütün ümidlərim öldü. Keçənilki möhtəşəm çempionluqdan sonra həmişəlik çox sevdiyim "Lesterdə qalacağımı ümid edirdim. Ancaq bu, olmadı.

Xanımım Rozannaya və bütün ailəmə mənə verdikləri möhtəşəm dəstəyə görə, çox minnətdaram. Bundan əlavə "Lesterə, klub rəhbərliyinə minnətdaram ki, bu cür macəranı birlikdə yaşadıq.

Bu, heç vaxt unutmayacağım bir möcüzə və xoşbəxtlik idi. Sizinlə çempion olmaq mənim üçün şərəfdir.

Qeyd edək ki, 2015-ci ildən "tülkülərə başçılıq edən Ranyeri ötən mövsüm kluba 133 illik tarixi ərzində ilk dəfə Premyer Liqa çempionluğunu qazandırmışdı.