Avstraliyanın Melburn şəhərindən Malayziyanın paytaxtı Kuala-Lumpura uçan "Malaysia Airlines" aviaşirkətinə məxsus təyyarə aeroporta geri qayıtmalı olub.

Unikal.org-un xarici mətbuata istinadən məlumatına görə, pilotun kabinəsinə daxil olmağa çalışan sərnişin üzərində bomba olduğunu bəyan edib.

Məlumata görə, təyyarə Melburn aeroportuna eniş edib. Sərnişin saxlanılıb. Hazırda hava limanının bağlı olduğu, bütün uçuşların təxirə salındığı xəbər verilir. Gələn təyyarələr isə başqa aeroportlara yönləndirilib.