Xalq artisti Fatma Mahmudovanın aktrisa qızı Nigar əməliyyat olunub.

Unikal.org xəbər verir ki, F.Mahmudova Axşam.az-a açıqlamasında bildirib ki, övladının əməliyyat masasına yatmasına səbəb nəfəs almaqda çətinlik çəkməsi olub:

"Qızım bir dəfə burnundan əməliyyat etdirib. Uğursuz alınmışdı. Ona görə də yenidən əməliyyat etdirdi. Məqsədi plastik əməliyyat deyildi. Gördüyünüz kimi burnunun forması çox dəyişməyib. Sadəcə nəfəs almasındakı problem aradan qaldırılıb.

F.Mahmudova yeni mövsümdən yenə də "Eks bacanaqlar seriyalı ilə efirə gələcəklərini söyləyib:

"Qızım da, mən də bu serialda olacağıq. Çox olmasa da, başqa ekran işlərindən təkliflər alırıq. Amma istəmirik, bizim çörək yerimiz buradır. Həm də bir aktyorun bir neçə serialda rol almasına yaxşı baxmıram. Birində oyna, yaxşı obraz yarat. Hərdən səhvlərimiz olur, mənim də başıma gəlib. Hansısa filmə çəkilmişəm, amma sonra peşman olmuşam. Ona görə də təklif gələndə ciddi fikirləşmək lazımdır".