Dünya birjalarında neft ucuzlaşıb.

Unikal.org xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,18 dollar və ya 0,36% azalaraq 49,71 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,19 dollar və ya 0,34% azalaraq 55,28 dollar olub.

Amerika fond bazarında Dow Jones indeksi 0,20% - 22 203,48 bəndədək bahalaşıb, S&P 500 0,11% - 2 495,62 bəndədək, NASDAQ isə 0,48% - 6 429,09 bəndədək ucuzlaşıb.

Avropa fond bazarlarında FTSE 100 indeksi 1,14% - 7 295,39 bəndədək, Almaniya DAX-ı 0,10% - 12 540,45 bəndədək ucuzlaşıb, Fransa CAC-40-ı isə 0,15% - 5 225,20 bəndədək bahalaşıb.
COMEX-də sonuncu hərraclarda qızılın unsiyasının qiyməti 4,40 dollar azalaraq 1 333,70 dollara, gümüş isə 0,06 dollar artaraq 17,85 dollara satılıb.