Rusiyanın baş naziri Dmitri Medvedev Ermənistana rəsmi səfər edib.
Unikal.org Rusiya mətbuatına istinadən xəbər verir ki, iki gün davam edəcək səfər zamanı Rusiya hökumətinin rəhbəri oktyabrın 24-25-də İrəvanda keçirilək Rusiya-Ermənistan danışıqları və Avrasiya Hökumətlərarası Şurasının iclasında iştirak edəcək.
Rusiya Federasiyası hökumətinin mətbuat xidmətinin yaydığı məlumata əsasən D. Medvedevin erməni həmkarı Karen Karapetyanla görüşündə iki ölkə arasında investisiya, sənaye və humanitar sahələrdə əməkdaşlıq məsələləri müzakirə olunacaq. Bundan başqa, iki ölkə arasında hökumətlərarası və regionlarası əməkdaşlıq haqqında sənədlər paketinin imzalanması gözlənilir.
