"Azərbaycan dilinin orfoqrafiya lüğətinin yeni, yeni nəşri hazırlanacaq. Unikal.org-un xəbərinə görə, bu barədə AMEA Rəyasət Heyətinin iclasında qərar qəbul edilib.

AMEA-nın vitse - prezidenti, akademik İsa Həbibbəyli yeni orfoqrafiya lüğətinin nəşri ilə bağlı AMEA prezidenti, akademik Akif Əlizadənin rəhbərliyi altında komissiyasının yaradılması və komissiyanın tərkibinə Təhsil, Mədəniyyət və Turizm nazirlikləri, Nazirlər Kabineti yanında Tərcümə Mərkəzi, Mətbuat Şurası, Terminologiya Komissiyasının nümayəndələrinin daxil edilməsini təklif edib.
Komissiyanın tərkibinə Təhsil, Mədəniyyət və Turizm nazirlikləri, Mətbuat Şurası, Nazirlər Kabineti yanında Terminologiya Komissiyasının nümayəndə heyəti təmsil olunacaq.

İclasda AMEA Nəsimi adına Dilçilik İnstitutuna 1 ay müddətində aidiyyəti qurumlarla birgə orfoqrafiya lüğətinin qayda-prinsiplərini hazırlayıb Təşkilat Komitəsinin müzakirəsinə təqdim etmək və 2018-ci ilin may ayına kimi yeni lüğətin hazırlanmasını təmin etmək tapşırılıb.