Ötən il korrupsiya və rüşvət ittihamları ilə Amerikada həbs edilən tanınmış iş adamı Rza Zərrabın azadlığa buraxılması ilə bağlı məlumatlar yayılıb.
Unikal.org xəbər verir ki, Türkiyə KİV-ləri Rza Zərrabla bağlı xəbəri ABŞ Federal Həbsxana Bürosunun rəsmi saytına istinadən tirajlayıb. Belə ki, rəsmi saytda iş adamının dosyesində onun azadlığa buraxıldığı qeyd olunub.
![](https://azvision.az/photos/new-york-guney-bolgesi-bassavciligi-sozcusu-z-10232322_o_1510426576.jpg)
Məlumat dərc olunandan sonraABŞ rəsmisi açıqlama verərək Rza Zərrabın sərbəst buraxılmadığını, ABŞ Federal Həbsxana Bürosunun rəsmi saytında texniki səhvə yol verildiyini bəyan edib.
Qeyd edək ki, Rza Zərrab ABŞ-ın Mayami şəhərində həbs olunub. 33 yaşlı milyarder İrana qarşı tətbiq olunan sanksiyaları pozaraq ABŞ-ı aldatmaq, bank saxtakarlığı və çirkli pulların yuyulmasında ittiham olunur.