Çempionlar Liqasının qrup mərhələsinin 4-cü turunda keçiriləcək "Qarabağ - "Çelsi oyununun hakimləri bəlli olub.

Unikal.org xəbər verir ki, bu barədə UEFA-nın rəsmi saytında məlumat verilib. Məlumata görə, matçı portuqaliyalı hakimlər briqadası idarə edəcək.

Görüşün baş hakimi Manuel De Souza olacaq. Ona Alvaro Meskquita və Rikardo Santos kömək edəcəklər. Fabio Verissimo və Luis Migel Branko Qodinyo isə əlavə hakim köməkçiləri funksiyasını yerinə yetirəcək.

Qeyd edək ki, noyabrın 22-də Olimpiya stadionunda keçiriləcək "Qarabağ - "Çelsi görüşü saat 21:00-da başlayacaq.