Azərbaycan Premyer Liqasının 18-ci turunda səfərdə "Qəbələyə qalib gələn "Neftçinin baş məşqçisi Tərlan Əhmədov oyundan sonra jurnalistlərin suallarını cavablandırıb. Unikal.org xəbər verir ki, baş məşqçi klubdakı dəyişikliklə bağlı suallara cavab verməkdən boyun qaçırıb: 

- Komanda bu gün iradə, əzmkarlıq nümayiş etdirdi. Fikrimcə, bu gün layiqli qələbə qazandıq. Əvvəl də demişdim ki, pillə-pillə irəliləyəcəyik. Bura gəlib bizə dəstək olan azarkeşlərimizə təşəkkür edirəm. Oyun yüksək tempdə keçməsə də, yaxşı oynadıq. Uşaqların oyunundan razı qaldım, onları təbrik etdim. Üçüncü dövrə başlayanda da demişdim ki, komanda yavaş-yavaş inkişaf edəcək. Bugünkü nəticə də göstərdi ki, düzgün yoldayıq.

- Rəhbərlik dəyişdikdən sonrakı qısa müddətdə klubda nə dəyişib?

- Bu barədə fikirləşməmişəm. Komandamın oyunlarına köklənmişəm. Bunlara vaxt ayırmıram. Klubun idarə heyəti, sponsorları, rəhbərliyi var. Dəyişikliyi onlar edib. Mən bu işlərə qarışmıram.

- "Qəbələ həm də, kubokun yarımfinalında rəqibinizdir. Bugünkü matçdakı qələbə sizə finala vəsiqə qazanmaq baxımından nə dərəcədə inam yaratdı?

- Qarşıda hələ oyunlarımız, fasilə var. Bu barədə düşünməmişik.

- Qapıda gah Səlahət Ağayevə, gah da Rəşad Əzizliyə şans verirsiz...

- Bu gün Rəşad daha hazırlıqlıdırBş. Onun keçən oyunda şans qazanmamasına səbəb, qrip olması idi. Həm Rəşad, həm də Səlahət eyni səviyyəli qapıçılardı. Gələcəkd Səlahət də şans qazanacaq. Bu vaxt həmin şansdan istifadə edə bilər. Kim daha hazırlıqlıdısa, o da oynayacaq.