Rusiyanın Nijnıy Novqorod şəhərində Yelena Kərimova adlı qadın dəhşətli cinayət törədib.

Unikal.org xarici mətbuata istinadən xəbər verir ki, qadın tətilə gedə bilmək üçün soyuqqanlılıqla 4 yaşlı qızı Cəmilə və 2 yaşlı oğlu Süleymanı əlləriylə boğaraq öldürüb.

May ayının əvvəli üçün isti ölkələrdən birində istirahət etmək məqsədilə tətil paketi alan Yelena daha raha tətil keçirmək üçün övladlarını boğaraq öldürüb. Daha sonra cəsədləri necə gizlədəcəyini bilməyib və onları yandırmağa qərar verib. Yelenanın çıxardığı yanğını söndürməyə gələn yanğınsöndürənlər mənzərə qarşısında şoka düşüblər. Təhlükəsizlik qüvvələri tərəfindən qısa müddətdə həbs edilib.
5 il öncə evlənən və daha sonra boşanan Yelena uşaqlarını təkbaşına böyüdüb. Gənc qadın qohumlarının köməyi ilə uşaqlarına baxıb. O, cinayəti törətməzdən bir həftə öncə sosial mediada uşaqlarına sitayiş etdiyini yazıb.

Rusiya mətbuatında yayılan xəbərə görə, 50 000 rubl dəyərində tətil paketi alan qadın ölkəni tərk edərkən uşaqlarını qoyacaq yer tapa bilməyib. Buna görə də onları qətlə yetirib. Yeni bir həyata başlamağa qərar verən Yelena avtomobil kirayələyərək övladlarını şəhərdən kənara aparıb. Avtomobildə uşaqlarını boğaraq öldürən ana onları yandıraraq yox etmək istəyib. Ancaq meşədə yanğının yayılacağından qorxub və alovu söndürərək yarı yanmış cəsədləri Osinki kəndi yaxınlığındakı samanlığa aparıb. Üzərilərinə benzin tökərək cəsədləri ikinci dəfə yandırıb.

28 apreldə polislər tərəfindən bölməyə gətirilən Yelena etdiyi dəhşətli cinayəti gizlətməyib və tək bir göz yaşı tökmədən, soyuqqanlılıqla cinayətin təfərrüatlarını etiraf edib:

"Uşqalarıma baxa bilmirdim. Övladlarıma yaxşı gələcək verə bilməyəcəyim üçün onları öldürərək xilas etməyi düşündüm".