Samuxda qətl hadisəsi baş verib.
Unikal.org APA-ya istinadən xəbər verir ki, hadisə Samuxun Hacallı kəndində qeydə alınıb.
Kənd sakini, 1984-cü il təvəllüdlü Cavad Həsənov bacısı, 1986-cı il təvəllüdlü Gülnarə Həsənovanı boğaz nahiyəsindən bıçaqlayıb. Qadın hadisə yerində ölüb. C. Həsənov isə polis tərəfindən saxlanılıb.
Məlumata görə, G. Həsənovanın bir övladı olub və o, həyat yoldaşından boşanıb. Hadisənin qısqanclıq zəminində törədildiyi ehtimal edilir.
Faktla bağlı Samux rayon Prokurorluğunda araşdırma aparılır.
