Azərbaycanlı peşkar boksçu İsmət Quliyev serbiyalı idmançı Martin Boskoviçlə döyüşə çıxıb. Yarış Türkiyənin Sakarya şəhərində baş verib. 

İdmançı Unikal.org-a keçirdiyi döyüş və rəqibiylə bağlı danışıb: 

"Bu döyüş üçün mənə 20 gün əvvəl təklif gəlmişdi. Rəqibim serbiyalı Martin Boskoviç 72 kq çəki dərəcəsində vuruşur. Həvəskar boksda 200-dən çox döyüş keçirib. Peşekarlar arasında isə keçirdiyi 11 döyüşdən 6-nı qələbə ilə bitirib. 1 dəfə isə heç-heçə edib. Birinci raundda texniki nolautla qalib gəldim. Belə ki, birinci raundda rəqibi üç dəfə nokdauna saldım ve hakim döyüşü saxladı. 

Bundan əlavə məndən başqa azarbaycanlı Rüfət Hacıyev və Taryel Cəfərov da döyüşü qələbə ilə bitirib".