Bakının Nizami rayonunda "NZS" adlanan ərazidə zəhərlənən tələbələr xəstəxanadan evə buraxılıblar.

Unikal.org-un məlumatına görə, təcili yardımdla 3 saylı Bakı Şəhər Xəstəxanasına çatdırılan tələbələr - 1998-ci il təvəllüdlü Tağıyev Niyaməddin Qəhrəman oğlu və 1999-cu il təvəllüdlü Həsənov Elşad Sadiq oğlu həkimlərin ilkin itbbi yardımından sonra ambulator müalicəyə yola salınıblar.

İlkin məlumata görə, həmin şəxslərin evdə hazırlanmış turşudan zəhərləndikləri ehtimal edilir.

***09:20

Bakıda iki tələbə qidadan zəhərlənib.

Səhiyyə Nazirliyinin Mətbuat Xidmətindən Unikal.org-a bildirilib ki, Nizami rayonunun NZS qəsəbəsində iki nəfərin qidadan zəhərlənməsi barədə məlumat Təcili Tibbi Yardıma saat 07:59 da daxil olub.

Ünvana gedən həkimlər oradan zəhərlənmə ehtimalı ilə 21 və 22 yaşlı tələbə oğlanları götürüblər.

3 saylı şəhər xəstəxanasına çatdırılan tələbələr kirayələdikləri evdə turşu yediklərini bildiriblər. Onlara lazımı tibbi yardım göstərilib. Müalicələri davam edir.