Mərkəzi icra hakimiyyəti orqanları, digər qurumların rəhbərlərinin və onların müavinlərinin 2020-ci ilin yanvar ayında şəhər və rayonlarda vətəndaşların qəbulu cədvəlinə uyğun olaraq, "Azərsu” Açıq Səhmdar Cəmiyyətinin sədri Qorxmaz Hüseynov yanvarın 28-də Ağcabədi şəhərində Ağcabədi və Laçın rayonlarından olan vətəndaşları qəbul edəcək.

Yanvarın 29-da “Azərsu” ASC sədrinin birinci müavini Teyyub Cabbarov Tərtər, yanvarın 30-da isə “Azərsu” ASC sədrinin müavini Etibar Məmmədov Ağdam rayon sakinləri ilə görüşəcək.

"Azərsu” ASC-dən Unikal.org-a verilən məlumata görə, qəbullar Ağcabədi şəhərindəki 5 saylı Regional Sukanal İdarəsinin inzibati binasında, Tərtər Gənclər Mərkəzində və Ağdam rayonunun Quzanlı qəsəbəsində yerləşən Heydər Əliyev Mərkəzində keçiriləcək.

Qəbullarda sakinlərin içməli su təchizatı və kanalizasiya xidmətləri ilə bağlı müraciətlərinə baxılacaq. 

Vətəndaşlar qəbul üçün Ağcabədi, Laçın, Tərtər və Ağdam rayon sukanal sahələrinə, həmçinin 431-47-67 (daxili 1050) nömrəsi ilə “Azərsu” ASC-yə və [email protected] poçtu vasitəsilə müraciət edə bilərlər.