"Yalnız inzabati yollarla bu istiqamətdə ciddi uğurlar əldə etmək mümkün olmayacaq"
Unikal.org xəbər verir ki, Bütöv Azərbaycan Xalq Cəbhəsi Partiyasının sədri, 36 saylı Xətai Seçki Dairəsindən yeni seçilmiş millət vəkili Qüdrət Həsənquliyev moderator.az-a açıqlamasında ötən gün DTX-nin Neftçalada keçirdiyi əməliyyatı şərh edib:
"DTX-nin peşəkarlıqla həyata keçirdiyi bu əməliyyatları yüksək qiymətləndirirəm. Mütəşəkkil cinayətkarlığa qarşı mübarizədə bu cür tədbirlər Prezidentin siyasi iradəsinin göstəricisi olmaqla qanunun aliliyinin və törədilən cinayətə görə cəzanın labüdlüyünün təmin olunmasına öz müsbət təsirini mütləq göstərəcək. DTX-nin Neftçalada keçirdiyi əməliyyatdan hər bir vəzifəli şəxs nəticə çıxarmalıdır.

Baş verənləri həyata keçirilən islahatların nəticəsi hesab edirəm və hər kəsi islahatlara dəstək verməyə çağırıram".