Müxtəlif xəstəliklər üçün istifadə olunan köhnə vaksinlər COVID-19 ilə mübarizədə faydalıdırmı sualı bu gün bir çox alimləri, o cümlədən də dünyanı düşündürən əsas məsələlərdən biridir.

Unikal.org xarici KİV-ə istinadən xəbər verir ki, alimlərin iddialarına görə, vərəm və polio vaksinlər insan vücudunun doğuşdan formalaşan immun sistemini yeni bir pandemiya ilə mübarizədə sürətləndirir.

Belə ki, hazırda alimlər ötən əsrə aid olan bu vaksinlər üzərində sınaqlara başlayırlar. Vərəm əleyhinə olan peyvəndlərlə yanaşı, uşaqlarda dil altına qoyularaq qəbul edilən polio vaksinlərin də xüsusi faydası qeyd olunur.

Alimlər bildirirlər ki, yeni hazırlanacaq vaksinlər hələ sınaq müddəti keçəcək, lakin vərəm və poliomielit əleyhinə hazırlanmış peyvəndlər artıq milyonlarla insanda istifadə edilmiş və bədənin ilk müdafiə xəttini - doğuş immunitet sistemini - koronavirus da daxil olmaqla geniş patogenlərə qarşı yenidən inkişaf etdirmək üçün aşağı riskli bir yol təqdim edə bilir.
Alimlərin fikrincə, hazırkı durumda COVID-19-la mübarizə aparmaqda ən faydalı vaksin məhz bunlardır.