Böyük Britaniyada son sutka ərzində koronavirus infeksiyasından (COVID-19) 15 nəfər vəfat edib.

Unikal.org-un BBC-yə istinadən verdiyi xəbərə görə, bu barədə ölkənin Səhiyyə Departamenti məlumat yayıb.  Bildirilib ki, bu martın ortalarından bu günə qədər ən aşağı rəqəmdir.

İndiyədək Britaniyada koronavirusdan ölənlərin ümumi sayı 42 647 nəfərə çatıb. Ölkədə indiyədək 305 289 nəfər koronavirus infeksiyasına yoluxub.