Bakı şəhəri, Binəqədi rayonu, 7-ci mikrorayonda açıq ərazidə 50 m² sahədə təkər tullantıları yanıb.

Bu barədə Unikal.org-a FHN-dən bildirilib.

Məlumata görə, yanğın saat 12:55-də yanğından mühafizə bölmələri tərəfindən söndürülüb.

***

12:37

Bakıda  fabrikdə yanğın başlayıb.

Unikal.org-un hadisə yerində olan əməkdaşının verdiyi məlumata görə, hadisə paytaxtın Binəqədi rayonu, 7-ci mikrorayon, Əhməd Rəcəbli küçəsindəki fabrikin ərazisindəki tullantılar olan hissədə baş verib. Güclü yanğın fabrikin ərazisini bürüyüb. İlkin məlumata görə, yanğın nəticəsində xəsarət alan olmayıb. 

Hadisə yerinə bir neçə yanğınsöndürmə briqadası cəlb edilib. Hazırda yanğının qarşısını almaq üçün tədbirlər görülür.

Famil Fərhadoğlu