Gürcüstanda son sutkada daha 7 nəfərin koronavirusa yoluxduğu müəyyən edilib, 25 pasiyent sağalıb.

Unikal.org xarici KİV-ə istinadən xəbər verir ki,  bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə COVID-19-a ümumi yoluxma göstəricisi 1 469 nəfərə, sağalanların sayı isə 1 221-ə çatıb. Xəstəlikdən 19 nəfər vəfat edib.

Hazırda Gürcüstan üzrə 5 924 nəfər karantində, 209 nəfər isə stasionar nəzarətdə saxlanılır.