Türkiyə Daxili İşlər Nazirliyi Bitlis bölgəsində "Yıldırım-15" əməliyyatına başlayıb.

Unikal.org "TRT Haber"ə istinadən xəbər verir ki, PKK terror təşkilatına qarşı başlanan əməliyyata 816 nəfərlik şəxsi heyət cəlb olunub. Terrorçuların hərəkət qabiliyyətini və sığınma yerlərini aradan qaldırmağı nəzərdə tutan əməliyyatla qışdan əvvəl PKK-ya ağır zərbə vurulması hədəflənib.

Qeyd edək ki, bu, Türkiyə daxilində terrorun tamamilə ortadan qaldırılmasına hesablanan "Yıldırım" silsilə əməliyyatlarının sayca 15-cisidir. Bu ilin 13 iyulundan başlanan əməliyyatlar çərçivəsində 143 terrorçu zərərsizləşdirilib, terror təşkilatı ilə əlaqəsi olan 74 nəfər həbs olunub, 251 mağara və anbar məhv edilib. Türkiyə Milli Müdafiə Nazirliyi 2020-ci il başlayandan etibarən ümumilikdə 1031 terrorçunun zərərsizləşdirildiyini açıqlayıb.