"Parlaq Ermənistan" və "Çiçəklənən Ermənistan" partiyalarının parlament fraksiyaları marionetka olduqlarını sübut etdilər.

Unikal.org  xəbər verir ki, bu barədə Ermənistanın keçmiş baş naziri Qrant Baqratyan “Facebook”da yazıb.

“Onlar qarşıdakı seçkilərdə özlərinə bəzi təminatlar almaq üçün Paşinyanın üstünə qaçdılar və belə bir şans ala bildilər. Bu, korrupsiyadır. Parlamentdə müxalifət adlandırılan qüvvələr baş nazir vəzifəsinə namizəd göstərməyə belə cəhd etmədilər. Nikol Paşinyan konstitusiya hüququ olmadan, hökumət başçısı vəzifəsinin icrasını davam etdirəcək", - deyə Baqratyan bildirib.

Onun sözlərinə görə, hazırkı hakimiyyət soyğunçuluq, korrupsiya haqqında köhnə mahnıları səsləndirməklə xalqın zombi hissəsini yenidən aldatmaq istəyir.