Bu gün norveçli dünya çempionu Maqnus Karlsenin təşkil etdiyi “Champions Chess Tour”un final mərhələsinin altıncı turunun oyunları keçiriləcək.

Unikal.org xəbər verir ki, bu turda Azərbaycan təmsilçiləri ABŞ şahmatçıları ilə mübarizə aparacaqlar. Belə ki, Şəhriyar Məmmədyarov Hikaru Nakamura, Teymur Rəcəbov Uesli So ilə oynayacaq.

Xatırladaq ki, hər matçda rapid üzrə dörd partiya oynanılır. Qalib müəyyənləşməsə, blits və Armageddon görüşlərinin oynanılması nəzərdə tutulur.

Hazırda T.Rəcəbov 15 xalla üçüncü, Ş.Məmmədyarov isə 5,5 xalla 9-cu sıradadır. Turnir cədvəlinə 26,5 xalla Maqnus Karlsen başçılıq edir. Turnirin mükafat fondu 100 min ABŞ dollarıdır.