Böyük Britaniya Ukraynadakı vəziyyətdə eskalasiya baş verəcəyi ehtimalına qarşı Rusiya əleyhinə sanksiyalar hazırlayır.

"Unikal" xəbər verir ki, bu barədə “Telegraph” nəşri məlumat verib.

Nəşrin məlumatına görə, sanksiya paketinə ölkənin SWIFT beynəlxalq pul köçürmələri sistemindən kənarlaşdırılması və “Şimal axını 2” layihəsinə qarşı tədbirlər daxildir.

Qəzet yazır ki, məmurlar “Kremlin daha da irəli gedəcəyi təqdirdə” Rusiya iqtisadiyyatını zəiflətmək üçün yeni sanksiyalar üzərində işə başlayıblar.