Rus ordusu Ukraynanın Luqansk bölgəsində mülki insanları təxliyyə edəcək avtomobilə zərbə endirib.

"Unikal" xarici KİV-ə istinadən xəbər verir ki, bölgədə təxliyə ilə bağlı xəbərlər hazırlayan fransız jurnalist rus əsgərlərinin hücumu nəticəsində həlak olub.

Bu barədə Luqansk qubernatoru Sergey Qayday məlumat yayıb:

"Bu gün evakuasiya maşınımız bölgədən 10 mülki vətəndaşı aparacaqdı. Evakuasiya zamanı rus əsgərləri hücuma keçib. İnsident zamanı fransız jurnalist dünyasını dəyişib. Bir polis əməkdaşı da yaralanıb. Buna görə də biz evakuasiyanı rəsmən dayandırırıq".