Xəbər verdiyimiz kimi, "Barselona"nın ulduz futbolçusu Jerar Pike və dünya ulduzu Şakira 12 illik münasibətlərinə son qoyub.

"Unikal" xəbər verir ki, son zamanların sensasiyalı hadisələrinin mərkəzində olan Jerar Pike və Şakira cütlüyünün ortaq sərvəti də gündəm olub. Belə ki, cütlüyün ümumi sərvəti 700 milyon avrodur.  

Kolumbiyalı müğənni, 3 Qremmi mükafatı laureatı Şakira sərvətini təkcə musiqidən qazanmayıb. "Forbes"ə görə, sərmayələri və daşınmaz əmlak gəlirləri olan Şakiranın şəxsi sərvəti 300 milyon avrodur. Dünyanın mühüm yerlərində mülkləri olan Şakiranın Baham adalarında da adası var.

"Barselona"dan illik 4,7 milyon avro maaş alan Pike məşhur futbolçu “Kosmos Holding” şirkətinin qurucusu olmaqla yanaşı, həm də daşınmaz əmlak investisiyaları ilə məşğuldur. Bundan əlavə, ulduz müdafiəçi İspaniyada Fransa Liqasının yayım hüquqlarına sahibdir. 3800 kvadratmetrlik nəhəng malikanə də daxil olmaqla bir çox mülkə sahib olan Şakira və Pikenin ortaq sərvətinin 700 milyon avro olduğu öyrənilib. Ulduz ikili bu sərvəti ortaq şəkildə paylaşacaq. Hər iki tərəfin vəkilləri bu məsələ ilə bağlı işlərini davam etdirirlər.

Gülayə Mecid