Rusiya Fövqəladə Hallar Nazirliyi artıq Moskvada tətbiq edilən “Təhlükəsiz şəhər” sisteminin Ukrayna ilə həmsərhəd rayonlarda yerləşdirilməsi üçün federal büdcədən 15 milyard rubl tələb etmək niyyətindədir. 

"Unikal" xəbər verir ki, bu barədə “Kommersant” yazır.

Fövqəladə Hallar Nazirliyi sistemi bir il yarım ərzində Krasnodar diyarı, Voronej və Belqorod vilayətlərində, eləcə də işğal olunmuş Krımda yerləşdirməyi planlaşdırır. 

Ehtimal olunur ki, Rusiya şirkətləri lazımi avadanlığı ehtiyatlardan, Rusiya istehsalından və onun Cənub-Şərqi Asiyada alınması hesabına təmin edə bilir. Bununla belə, ekspertlər hesab edirlər ki, sistem təhlükəsizlik səviyyəsini kökündən yaxşılaşdıra bilməyəcək.