Bir neçə gün əvvəl Sumqayıtda qadına təpik vuraraq avtobusdan çıxaran sürücü Aqil Kosayev işinə bərpa edilib.
"Unikal" xəbər verir ki, "ARB Xəbər"ə açıqlama verən sürücü məsələyə hüquqi qiymət verildiyini bildirib:
"Sərnişin işıqforda düşməyi tələb edirdi. Mən də ikinci xətt üzrə yaşıl işıqda hərəkət edirdim. Ona görə də, qapını açmaq imkanı olmadı. Bir-birimizi başa düşmədik, hadisə baş verdi. İşimiz elə bir işdir ki, birinci növbədə səbrli olmaq lazımdır. Belə bir şey olmamalıydı. Çalışarıq bir də olmasın", - deyə o əlavə edib.
