Dmitri Medvedev Rusiyanı NATO-nun Krıma zərbə endirməsi ilə bağlı söhbətlərlə qorxutmamağa çağırıb və bu cür bəyanatlara cavab olaraq hipersəs silahları ilə cavab verəcəyi ilə hədələyib.

"Unikal" xəbər verir ki,  Rusiya Federasiyası Təhlükəsizlik Şurası rəhbərinin müavini Dmitri Medvedev bu barədə “Telegram” kanalında yazıb. 

"General zolaqlı müxtəlif təqaüdçü axmaqların NATO-nun Krıma zərbə endirilməsi barədə danışaraq bizi qorxutmağa ehtiyac yoxdur. Hipersəs silahlarımızın Avropa və ABŞ-dakı hədəflərə daha tez çata biləcəyinə zəmanət verə bilərik" - Medvedev xəbərdarlıq edib.

Medvedev Rusiya prezidenti Vladimir Putinin sentyabrın 21-də elan etdiyi qərarların nəticələrini sadalayıb. Medvedevin sözlərinə görə, Donetsk və Luqansk Xalq Respublikalarında, eləcə də Xerson və Zaporojye vilayətlərində Rusiyanın tərkibinə daxil olmaq üçün referendumlar keçiriləcək və bu ərazilər Rusiya Federasiyasının tərkibinə qəbul ediləcək.

O, bütün birləşdirilən ərazilərin mühafizəsinin Rusiya Silahlı Qüvvələri tərəfindən əhəmiyyətli dərəcədə gücləndiriləcəyinə inandırıb. Medvedevin qeyd etdiyi kimi, Rusiya bu cür müdafiə üçün təkcə səfərbərlik imkanlarından deyil, həm də istənilən silahdan, o cümlədən strateji nüvə silahlarından və yeni prinsiplərə əsaslanan silahlardan istifadə oluna biləcəyini açıqlayıb.

"NATO ölkələrinin bütün vətəndaşları başa düşməlidirlər ki, Rusiya öz yolunu seçib. Geriyə dönüş yoxdur”, - Medvedev yazıb.

Gülayə Mecid