Hindistanın şimalında insanlarla birlikdə vaqonu çəkən ferma traktoru aşaraq gölməçəyə düşüb və nəticədə əksəriyyəti qadın və uşaqlar olmaqla 26 nəfər ölüb.

"Unikal" xəbər verir ki, hadisə Uttar Pradeş ştatının paytaxtı Laknaudan 100 km cənub-qərbdə, Kanpur əyalətinin Qatampur rayonunda baş verib.

Polis rəisi Tej Svaroop Singh bildirib ki, vaqonda şənbə günü axşam yaxınlıqdakı yerli hindu məbədindəki mərasimdən qayıdan 40-a yaxın adam olub. O, ölənlərin əksəriyyətinin boğulduğunu bildirib.

Nəticədə azı 10 nəfər xəsarət alıb. Zərərçəkənlər xəstəxanaya yerləşdirilib.

Qəzanın səbəbləri araşdırılır.

Bu, son üç gündə insan daşıyan traktorun aşması nəticəsində azı 12 nəfərin ölümü ilə nəticələnən ikinci hadisədir.

Uttar Pradeşin yüksək səviyyəli rəsmisi Yogi Adityanath, sərnişinlərin daşınması üçün kənd təsərrüfatı traktorlarından istifadə etməyi tövsiyə etməyib.