Moskva Qərb infrastrukturunu hədəf almaq üçün kosmik silahlardan istifadə edə bilər.

"Unikal" xəbər verir ki, bunu Britaniyanın Müdafiə Qərargah rəisi, admiral Toni Radakin “The Telegraph”a açıqlamasında deyib.  

Radakin Rusiyanın “kosmosda imkanlara malik olduğunu” vurğulayıb. 

"Bunun nümunəsini ötən ilin sonunda Rusiya kosmosda nəhəng dağıntılar yaradan obyekti partlatdıqda gördük. Rusiyanın nüvə imkanları var, Rusiyanın sualtı imkanları var. Qərbdə bəziləri Rusiyanı öz infrastrukturunu hədəfə almaqda ittiham edir, Moskva isə bu ittihamları “axmaqlıq” adlandırır.

Kral Birləşmiş Xidmətlər İnstitutunun analitik mərkəzinin direktor müavini Malkolm Çalmers “The Telegraph”a deyib ki, o, Rusiyanın peyk sistemlərinə hücumunu proqnozlaşdıra bilər ki, bu da Qərbin kommunikasiya infrastrukturunu sıradan çıxara bilər.

“Rusiya həmçinin bütün dünyada həm hərbi, həm də mülki GPS sistemlərinə hücum edə bilər. Telefonlarımızın və avtomobillərimizin əksəriyyətində istifadə olunan peyk naviqasiya sistemləri kimi dövlət xidmətlərinin işində müəyyən fasilələr ola bilər”.

Gülayə Mecid