Türkiyə prezidenti Rəcəb Tayyib Ərdoğan Kanadanın Halifax şəhərində keçirilən beynəlxalq təhlükəsizlik forumunda iştirakdan imtina edib.
"Unikal" xəbər verir ki, bu barədə "Politico" amerikalı senatorlara istinadən yazıb.
Ərdoğanın çıxışı ilkin olaraq bir neçə digər türk rəsmisinin iştirakı kimi gündəmdə idi.
“Politico”nun məlumatına görə, Türkiyə “Ukrayna taxıl müqaviləsini qoruyub saxlamağın zəruriliyini” əsas gətirərək tədbirdə iştirakdan imtina edib.
Bununla belə, senator Cim Rişin fikrincə, Ərdoğan sadəcə olaraq İsveç və Finlandiyanın NATO üzvlüyünü “gecikdirdiklərinə” görə ABŞ qanunvericilərinin qınaqlarına qulaq asmaq istəməyib.
Gültəkin Ələsgər