"İsveç və Finlandiyanın NATO-ya üzvlüyü ilə bağlı əlavə müzakirələr aparılmalıdır.

"Unikal" xəbər verir ki, bunu Macarıstanın baş naziri Viktor Orban bildirib.

O, millətçi hakim partiya Fideszdən (Macarıstan Vətəndaş Alyansı) millət vəkillərini iki Nordik ölkəsinin ərizələrini təsdiqləməyə çağırdığını söyləyib, əlavə edib ki,  hələ də həll olunmamış problemlər var.

“Türkiyəyə gəlincə, onlar bizim müttəfiqlərimizdir, ona görə də biz onların səsinə qulaq asmalıyıq, bəlkə də digər NATO üzvlərindən daha yaxın olduğumuz üçün onların səsi bizə daha aydın çatır”, - Orban deyib.

Macarıstan parlamenti gələn çərşənbə günü keçiriləcək plenar iclasda Şimali Avropa ölkələrinin NATO məsələsi ilə bağlı müraciətlərinə baxacaq.

Baş nazirin sözlərinə görə, bəzi qanunvericilər Rusiya ilə min kilometrə yaxın sərhədi olan Finlandiyanın üzvlüyünün digər NATO ölkələrinin təhlükəsizliyini təhdid edə biləcəyindən narahat olduqlarını bildiriblər.

İsveç və Finlandiyanın üzvlüyü o halda mümkün olacaq ki, bütün 30 NATO ölkəsinin qanunverici orqanı ərizələri ratifikasiya etsin.