"Transneft" şirkəti Rusiya neftinin Polşaya nəqlini dayandırıb. 

"Unikal" xəbər verir ki, bu barədə fevralın 27-də şirkət prezidentinin müşaviri İqor Demin məlumat verib.

Deminin sözlərinə görə, neftin Polşanın neft emalı zavodlarınavurulması fevralın sonunda həyata keçirilməli idi: "Lakin təsdiqlənmiş resurs və tranzit üçün ödəniş olan marşrut sifarişləri verilməyib. Bundan əlavə, Polşa istehlakçılarına çatdırılma istisna olmaqla, qrafikə əməliyyat dəyişiklikləri edilib. Bununla əlaqədar olaraq, "Transneft" PJSC tərəfindən Polşa istiqamətində neft nəql edilmir". 

Qeyd edək ki, Moskva Varşavaya neft nəqlini fevralın 25-dən dayandırdığını açıqlayıb. 

Ağarza Elçinoğlu