Dünya Bankı zəlzələlərdən Türkiyə iqtisadiyyatına dəymiş ziyanın 34,2 milyard dollar təşkil etdiyini və sonrakı təkanlar səbəbindən arta biləcəyini bildirib .

"Unikal" xəbər verir ki, bu barədə təşkilatın hesabatında bildirilib. 

“Fevralın 6-da baş verən iki çox güclü zəlzələ Türkiyəyə 34,2 milyard dollarlıq birbaşa fiziki ziyan vurub ki, bu da 2021-ci ildə ölkənin ÜDM-nin 4%-nə bərabərdir”.

Dünya Bankının fikrincə, yenidənqurma və bərpa işlərinə “daha ​​çox” xərclənməli olacaq.

Daha əvvəl Təbii Fəlakətlərin Nəticələrinin Aradan Qaldırılması İdarəsinin risklərin azaldılması şöbəsinin müdiri Orxan Tatar Türkiyənin cənub-şərqində baş verən zəlzələlərdən sonra hər üç dəqiqədən bir afterşokların baş verdiyini bildirib . O qeyd edib ki, ümumilikdə 10 minə yaxın afterşok olub.

Fevralın əvvəlində Türkiyədə 7,7 və 7,6 bal gücündə güclü zəlzələlər qeydə alınıb. Son məlumatlara görə, ölənlərin sayı 44 218 nəfərdir.