İsmayıllı rayonunda leysan və sel suları fəsadlar törədib.

"Unikal"ın məlumatına görə, bu gün axşam saatlarından başlayaraq İsmayıllı rayonuna güclü leysan yağışı yağıb. Dağlardan gələn sel suları rayonun şimal hissəsindəki Gəndov, Namazgah kəndlərində və Lahıc qəsəbəsində təsərrüfatın ayrı-ayrı sahələrinə ciddi ziyan vurub. Evləri, tövlələri turizm-istirahət obyektlərini, mağazaları sel basıb, ağaclar, ekektrik və rabitə dirəkləri aşıb, qaz borusu qırılıb, əhali qazsız və işıqsız qalıb. Sel səbəbindən yolları qalın lil qatı örtüb, nəqliyyatın hərəkəti çətinləşib, İsmayıllı şəhərindən Lahıc qəsəbəsinə gedən yol bağlanıb. Hazırda rayona yağış yağır, sel axını davam edir. Əhaliyə dəyən ziyan rayon fövqəladə hallar komissiyası tərəfindən dəqiqləşdirilir. 

Şahnəzər Bəşirov