"Əgər ABŞ Ermənistanın onunla daha sıx işləməsini istəyirsə, yardım proqramlarını artırmalıdır".
"Unikal" xəbər verir ki, bunu ABŞ Dövlət Departamentinin Avropa və Avrasiya məsələləri üzrə Bürosunun köməkçisi Yuri Kim ABŞ Senatının Xarici Əlaqələr Komitəsində Qarabağdakı vəziyyətlə bağlı komissiyanın sədri Bob Menendezin təşəbbüsü ilə çağırılan dinləmələr zamanı deyib.
Dinləmə zamanı senator Pit Rikets qeyd edib ki, Ermənistanda çoxları Rusiyanı təhlükəsizlik məsələlərində yeganə real aktor hesab edir. "Ermənistan ABŞ-la birgə təlimlər keçirməklə sadəcə olaraq Moskvaya narazılıq siqnalı vermək istəyir, yoxsa doğrudan da Qərblə daha sıx əməkdaşlıq etmək istəyir" sualına Kim belə cavab verib:
"Bu barədə danışmaq hələ tezdir, lakin bu o demək deyil ki, ABŞ hadisələrin gedişatını belə bir həll yoluna yönəltməyə çalışmamalıdır".
“Lakin bunun üçün siz öz varlığınızı göstərməlisiniz, ona görə də Ermənistanın köməyi çox vacibdir”, o əlavə edib.
Bu cür layihələrin Rusiyanın Ermənistana qarşı qisas almasına gətirib çıxara biləcəyi ilə bağlı suala isə Kim cavabında deyib:
"Birləşmiş Ştatlar vəziyyəti diqqətlə izləməli və inkişaf layihələri, müdafiə tərəfdaşlığı və ya təhlükəsizlik proqramlarında Ermənistana yardım dairəsini artırmalıdır.
Dövlət Departamentinin sözçüsü deyib: “Mümkünsə, bu proqramları Ermənistanın özü üçün məqbul olan şəkildə genişləndirmək lazımdır”.
