Moskva Ermənistan-Azərbaycan münasibətlərinin normallaşmasına töhfə verməyə hazırdır.

"Unikal" xəbər verir ki, bu barədə Rusiyanın xarici işlər naziri Sergey Lavrov Skopyedə erməni həmkarı Ararat Mirzoyanla görüşündə bildirib.

Şimali Makedoniyanın  paytaxtında Avropada Təhlükəsizlik və Əməkdaşlıq Təşkilatının (ATƏT) Nazirlər Şurasının 30-cu iclası çərçivəsində hər iki XİN başçıları ikitərəfli gündəliyin aktual məsələlərini, həmçinin beynəlxalq platformalar çərçivəsində əməkdaşlığı və ümumi inteqrasiyanı müzakirə ediblər. 

Regional məsələlər ətrafında da fikir mübadiləsi aparılıb.

“Rusiya tərəfi Rusiya, Azərbaycan və Ermənistan liderləri arasında 2020-2022-ci illər üçün üçtərəfli sazişlər, o cümlədən İrəvan və Ermənistan arasında sülh müqaviləsinin imzalanması əsasında Ermənistan-Azərbaycan münasibətlərinin normallaşmasına fəal töhfə verməyə hazır olduğunu təsdiqləyib”, - Rusiya Xarici İşlər Nazirliyinin bəyanatında əlavə edilib.

Bundan başqa, müxtəlif səviyyələrdə gələcək təmasların zəruriliyi təsdiqlənib.