İsrailin blokada altındakı Qəzza zolağına hücumlarına başladığı 7 oktyabrdan bəri 370 min israillinin ölkəsini tərk etdiyi bildirilib.

"Unikal" xəbər verir ki, İsraildə nəşr olunan "The Times of Israel" qəzeti oktyabrın 7-dən ölkəni tərk edən israillilərlə bağlı xəbər dərc edib.

Xəbərə görə, İsrail Əhali və İmmiqrasiya İdarəsinin məlumatlarına əsasən, cəmi 370 min 148 İsrail vətəndaşı oktyabrın son üç həftəsində 230 min 309, noyabrda isə 139 min 839 İsrail vətəndaşı ölkəni tərk edib.

İşçilərin, mühacirlərin və diplomatların bu rəqəmlərə daxil olmadığı qeyd edilən xəbərdə 7 oktyabr-29 noyabr tarixləri arasında təxminən 2 min adamın İsrailə köç etdiyi vurğulanıb.

Xəbərdə bu il müharibə başlayana qədər orta hesabla 4500 nəfərin İsrailə köç etdiyi və 7 oktyabrdan sonra bu saylarda yüzdə 70 azalma olduğuna diqqət çəkilib.

Bu məlumatların işığında xəbərdə “müharibənin İsrailə köçü dayandırmadığı, əksinə əhəmiyyətli dərəcədə azaldığı” qiymətləndirildi.