“Qarabağ”ın UEFA Avropa Liqasının pley-off mərhələsindəki rəqibi müəyyənləşib.
"Unikal" xəbər verir ki, püşkatma mərasimində Azərbaycan çempionu Portuqaliya klubu “Braqa”ya rəqib olub.
Digər cütlər:
“Feyenoord” (Niderland) - "Roma" (İtaliya)
“Milan” (İtaliya) - "Renn" (Fransa)
“Lans” (Fransa) - "Frayburq" (Almaniya)
“Yanq Boyz” (İsveçrə) - "Sportinq" (Portuqaliya)
“Benfika” (Portuqaliya) - “Tuluza” (Fransa)
“Qalatasaray” (Türkiyə) - "Sparta" (Praqa, Çexiya)
“Şaxtyor” (Ukrayna) - "Marsel" (Fransa)
Qeyd edək ki, “Qarabağ” bu komanda ilə ilk matçını fevralın 15-də səfərdə keçirəcək. Cavab qarşılaşması isə fevralın 22-də Bakıda olacaq.
***09:32
Bu gün UEFA Avropa Liqasının pley-off mərhələsinin püşkü atılacaq.
"Unikal" xəbər verir ki, Azərbaycan təmsilçisi "Qarabağ"ın da bu mərhələdəki rəqibi bəlli olacaq.
İsveçrənin Nyon şəhərində keçiriləcək mərasim Bakı vaxtı ilə saat 16:00-da başlayacaq.
Azərbaycan futbolu tarixində ilk dəfə Avropa Liqasının 1/16 finalına yüksələn "Qarabağ" bu mərhədə Çempionlar Liqasında qrupu üçüncü sırada bitirən 8 komandadan biri ilə qarşılaşacaq:
"Qarabağ"ın potensial rəqibləri:
"Qalatasaray" (Türkiyə)
"Lans" (Fransa)
"Braqa"(Portuqaliya)
"Benfika" (Portuqaliya)
"Feyenoord" (Niderland)
"Milan" (İtaliya)
"Yanq Boyz" (İsveçrə)
"Şaxtyor" (Donetsk, Ukrayna).
Qeyd edək ki, pley-offun ilk matçları 2024-cü ilin fevralın 15-də, cavab görüşləri fevralın 22-də keçiriləcək. Qalib komandalar 1/8 finala vəsiqəni təmin edən Avroliqanın qrup birinciləri ilə qarşılaşacaqlar.
