Sabah Ermənistan-Azərbaycan sərhədinin delimitasiyası üzrə komissiyaların əvvəllər elan edilmiş iclası baş tutacaq.

"Unikal" xəbər verir ki, bu barədə Ermənistan baş nazirinin müavininin ofisindən bildirilib.

Görüşün yeri açıqlanmayıb.

Azərbaycan tərəfdən komissiyaya Baş nazir Əli Əsədovun müavini Şahin Mustafayev, Ermənistan tərəfdən isə Nikol Paşinyanın müavini Mqer Qriqoryan rəhbərlik edir.

Onların iştirakı ilə əvvəlki görüş 2023-cü il noyabrın 30-da Tavuş sərhəddində baş tutub.