Ölkə ərazisində qeyri-sabit hava şəraiti müşahidə olunur.
"Unikal" xəbər verir ki, bu barədə Milli Hidrometeorologiya Xidmətindən bildirilib.
Qeyd olunub ki, Daşkəsən, Gədəbəy, Gəncə, Göygöl, Şəmkir, Quba, Qusar, Qax (Sarıbaş), Şamaxı, Qəbələ, Zaqatala, Qobustan, Xaltan, Xaçmaz, Göyçay, Zərdab, Şabran, Altıağac, Lerik, Yardımlıda şimşək çaxır, arabir leysan xarakterli yağış yağır.
Sarı xəbərdarlığa uyğun olaraq küləyin maksimal sürəti Bakıda və Abşeron yarımadasında, Oğuz və Neftçalada 15-20 m/s təşkil edir.
Şamaxı rayonu Ərçiman kəndinə diametri 4-5 mm, Çuxuryurd kəndinə 10 mm, Gədəbəy və Daşkəsən rayonunlarına 12 mm diametrində dolu düşüb.
Yağan leysan yağışlar nəticəsində hazırda Kişçay, Şinçay və Ağsuçaydan sel keçir.
***15:11
Daşkəsənə leysan yağışdan sonra dolu düşüb.
"Unikal" xəbər verir ki, günorta saatlarında rayonun Xoşbulaq və bir neçə kəndinə yağışdan sonra dolu yağıb.
Qeyd edək ki, Qərb bölgəsini əhatə edən rayonlarda qeyri-sabit hava şərati hökm sürür.
Tural Əhmədov
