Əhalisinin sayı azalmağa başlayan Yaponiyada hökumət doğum səviyyəsini artırmaq üçün hərəkətə keçib və  gənclər arasında evliliklə bağlı sorğu aparıb. 

"Unikal" xəbər verir k, Yaponiya hökuməti gənclərin evliliyə maraqları və ya olmaması ilə bağlı məsləhətləşmələrə başlayıb.

2023-cü ilin aprel ayında fəaliyyətə başlayan Uşaq və Ailə Agentliyi gənclərin tanışlıq və tərəfdaş tapmaq səylərini dəstəkləmək üçün ilk işçi qrupunun iclasını keçirib. 

İştirakçılar arasında gələcəkdə ailə qurmağı düşünənlər və gənclərin üzləşdiyi problemlər barədə məlumatlı mütəxəssislər iştirak edib. 

"Hökumət etiraf edib ki, gənclər arasında evlilik haqqında fikirlər bir vaxtlar norma hesab ediləndən fərqlidir", - agentlik rəsmisi deyib.

Agentlik 25-34 yaş arası subay insanlar arasında keçirilən sorğunun nəticələrinə istinad edərək qeyd edib ki, kişilərin 43,3%-i, qadınların 48,1%-i potensial partnyorlarla tanış olmaq imkanlarının olmadığını bildirib. Bir çoxları şanslarını artırmaq üçün heç bir şey etmədiklərini, məsələn, dostlarından onları kiminləsə tanış etmələrini xahiş etmədiklərini söyləyib. 

Yaponiyada 2023-cü ildə nikahların sayı 1930-cu illərdən bəri ilk dəfə olaraq 500 mindən aşağı düşüb. Bu arada, doğumlar 5,1% azalaraq 758,631 nəfərə düşüb. 

Tədqiqatlar göstərir ki, bir çox yapon gənci böyük şəhərlərdə yaşamanın yüksək qiyməti, yaxşı iş yerlərinin olmaması və hər iki tərəfdaşın iş tapmasını və ya qadınların iş tapmasını çətinləşdirən iş mədəniyyəti kimi narahatlıqlara görə evlənmək və ya uşaq sahibi olmaqda tərəddüd edir.