Balakəndən Mingəçevirə qonaq  gələn 47 yaşlı qadını küçədə sahibsiz it dişləyib.

"Unikal"ın məlumatına görə, hadisə İzolit zavodunun yaxınlığında baş verib. Belə ki, sahibsiz it 1977-ci il təvəllüdlü Balakən rayon sakini  Ömərova Sahilə Məhəmməd qızına hücum edərək əlindən dişləyib. İlkin tibbi yardım üçün hadisə yerinə gələn həkim briqadasının israrına rəğmən quduzluq əleyhinə vaksin vurmaq üçün qadını xəstəxanaya aparmaq mümkün olmayıb. O vaksindən qorxduğunu və bəzi iynələrin ona düşərli olmadığını əsas gətirərək xəstəxanaya getməkdən imtina edib. Onun bu davranışı barədə aidiyyati qurumlara məlumat verilib.

Faktla bağlı araşdırma başlanıb.

Ehtiram Muradov