Türkiyə prezidenti Rəcəb Tayyib Ərdoğan, dünyanı nasist Almaniyasının lideri Adolf Hitlerlə etdiyi kimi, İsrailin baş naziri Binyamin Netanyahunu da dayandırmağa çağırıb.

"Unikal" TASS-a xəbər verir ki, o, bu barədə Nyu-Yorkda BMT Baş Assambleyasında çıxışı zamanı bildirib.

Türkiyə liderinin sözlərinə görə, beynəlxalq ictimaiyyət fələstinli mülki vətəndaşları İsrail dövlətinin hərəkətlərindən qorumaq üçün mexanizm hazırlamalıdır. O qeyd edib ki, 70 il əvvəl bəşəriyyətin birliyi Hitleri dayandırıb.

“İndi eyni ümumi səylərlə bu ittifaq Netanyahu və onun bandasını dayandırmalıdır”, - deyə Ərdoğan qeyd edib.