Xəbər verdiyimiz kimi,Türkiyə Prezidenti Rəcəb Tayyib Ərdoğan Nyu-York şəhərindəki “Türk Evi”ndə Ermənistanın Baş naziri Nikol Paşinyanı qəbul edib. Görüş çərçivəsində Ərdoğan Paşinyana müəllifi olduğu “Daha ədalətli dünya mümkündür” kitabını hədiyyə edib.
Bunun fonunda "Daha ədalətli dünya mümkündür" kitabının mövzusu və xülasəsi maraq doğurub.
"Unikal"ın məlumatına görə, Rəcəb Tayyib Ərdoğanın qələmə aldığı "Daha ədalətli dünya mümkündür" kitabı dünyanın bir çox ölkəsində yerli dillərdə satışdadır.
Ərdoğan kitabda qlobal siyasət başda olmaqla ədalətsizlik, qaçqın böhranı, beynəlxalq terrorizm və anti-İslamizmin dilemmalarına işarə edərək, Birləşmiş Millətlər Təşkilatının nümunəsi ilə dünyada ayrı-seçkilik və ikili standartları ortaya qoyur.
Birləşmiş Millətlər Təşkilatının legitimliyi, funksionallığı, effektivliyi, əhatəliliyi, təmsili və idarəçilik problemlərinə də diqqət çəkdiyi kitabda Ərdoğan, xüsusilə Birləşmiş Millətlər Təşkilatının Təhlükəsizlik Şurasında hərtərəfli islahatlara ehtiyac olduğunu vurğulayır.
Kitabda BMT-nin yenidən qurulması ilə bağlı təkliflərin də yer alması ilə yanaşı, “Dünya beşdən böyükdür” ifadəsində yer alan BMT Təhlükəsizlik Şurasının strukturunun dəyişdirilməsinə yönəlmiş perspektivin həyata keçirilməsi təklif edilir.
Kitabda, Şuranın qitələri, inancları, mənşəyi və mədəniyyətləri ən ədalətli şəkildə təmsil edəcək şəkildə yenidən təşkil edilməsinin qlobal sülhün həlli və bərqərar olması üçün inqilabi bir addım olacağı ifadə edilir. Nəşrdə Baş Assambleyanın səlahiyyətlərinin artırıldığı, Təhlükəsizlik Şurasının yeganə müəyyənedici orqanın olmadığı və Baş Assambleyaya cavabdeh olduğu bir struktur yaratmaqla tarazlığın təmin edilməli olduğu və 20 ölkənin seçilməsi ilə izah edilir. Alternativ bir həll olaraq Baş Assambleyada olmaq da irəli sürülə bilər.
"Dünya 5-dən böyükdür" fəlsəfəsi ilə yola çıxan kitabda dünyanın gələcəyinə təsir edəcək sahələrdə tək bu beş ölkənin rəhminə qalmağın düzgün olmadığı bildirilir. Kitab davamlı və ədalətli dünya üçün Birləşmiş Millətlər Təşkilatının vəzifələrinə toxunur.
2021-ci ildə işıq üzü görən kitab türk, ingilis, ərəb, alman, fransız, rus və ispan dillərində nəşr olunub.
Gülayə Mecid
.jpg)
_1699891789.jpeg)
_1699891789.jpeg)
