Cəlilabadda bıçaqlanma hadisəsi baş verib.

"Unikal"ın məlumatına görə, hadisə rayonun Hamarqışlaq kəndində qeydə alınıb.

Belə ki, gənclər arasında mübahisə yaranıb. Münaqişə zamanı tərəflər kəsici-deşici alətə əl atıblar.

Hadisə nəticəsində iki nəfər - 2002-ci il təvəllüdlü Rəhim Rövşən oğlu Qiyasov (döş boşluğunun sağ yarısının, döş boşluğunun sağ qəfəsinin ön səthinin kəsilmiş yarası) və 2004-cü il təvəllüdlü  Elmir Namiq oğlu Teymurov (qarın divarının ön hissəsində kəsilmiş yarası) xəsarətlər alıblar.

Yaralılar dərhal xəstəxanaya çatdırılıb, vəziyyətləri həkimlər tərəfindən nəzarətə götürülüb.

Faktla bağlı araşdırma aparılır.

***

Cəlilabadda iki nəfəri bıçaqlayan şəxs saxlanılıb. 

"Unikal"ın sorğusuna cavab olaraq DİN-in Mətbuat Xidmətinin Lənkəran regional qrupunun baş inspektoru polis kapitanı Məhəmməd Rzayev bildirib ki, əməli törətməkdə şübhəli bilinən 27 yaşlı E.Əliyev polis əməkdaşları tərəfindən saxlanılıb. Hadisə şəxsi münasibətlər zəminində baş verib. 

Araşdırma aparılır.

Xəlil Əliyev